Eshitdik-da! Edgar Gess “Andijon”ga qaytmoqda

Jamoa bosh direktori lavozimiga SHuhratbek O'rinboev kelgach ayrim xodimlarni ham o'zgarishi tahmin qilinmoqda. Eng avvalo bosh murabbiy o'zgarishi kutilmoqda. Bu borada yangi rahbar Edgar Gess bilan muzokara o'tkazayotgani haqida norasmiy malumotlar bor. Yaqin-yaqingacha “Buxoro”ni boshqarib kelgan Edgar Yakovlevichning shu kunlarda Andijonga tashrif buyurishi kutilmoqda. 

Aytish mumkinki, Gess uchun bu jamoa begona emas. Boisi 60 yoshli mutaxassis ilgari ham “burgutlar”ni boshqargandi. 2006 yilning ikkinchi yarmida jamoa boshqaruv postiga olib kelingan Gess 2007 yili birinchi davradan so'ng klubni tark etgandi. O'sha kezlarda jamoa rahbariyatida O'rinboev faoliyat yuritganini eslab o'tish lozim. Aftidan O'rinboev va Gessning yo'llari yana kesishadigan ko'rinadi.