Eron. Melziddinov va Qilichev to'qnashuvi bo'lib o'tdi

Etiboringizga legionerlarimiz ishtirokidagi o'yinlarni taqdim etamiz.

Fozil Musaev to'p tepayotgan "Sepaxon" klubi safarda "Istiqlol" mehmoni bo'ldi. Uchrashuvda "Sepaxon" 1:2 hisobida mag'lub bo'ldi. Musaev bahsda to'liq 90 daqiqa o'ynadi. "Sepaxon" 18ta turdan so'ng 33 ochko bilan musobaqa jadvalining 3-pog'onasini egallab turibdi. Klub navbatdagi turni 4 fevral kuni o'z uyida "Naft Tehron"ga qarshi o'tkazadi.

Eron pro-ligasi musobaqa jadvali
"Istiqlol" - "Sepaxon" 2:1
Gollar: Inoyati 9, Ibrohimi 90+4 - Papi 42.

Bahodir Nasimov faoliyat olib borayotgan "Padideh" klubi safarda "Saba Qom" bilan durang o'ynadi. Osiyo Kubogida ishtirok etgan Nasimov hali klubi safida maydonga tushgani yo'q. "Padideh" hozir 21 ochko bilan musobaqa jadvalining 10-pog'onasida bormoqda. Klub 6 fevral kuni safarda "Tarktor Sozi" bilan bellashadi.

"Saba Qom" - "Padideh" 0:0

Bu turda Eronda o'zbekistonliklar to'qnashuvi bo'lib o'tdi. Ruslan Melziddinov to'p tepayotgan "Naft Masjid Sulaymon" klubi o'z uyida Oybek Qilichev o'ynayotgan "Paykon"ni qabul qildi. Bu bahsda ham nursiz durang qayd etildi - 0:0. Ikkala legionerimiz uchrashuvni to'liq o'tkazishdi. "Paykon" 19 ochko bilan 12-o'rinda, "Naft" esa 15 ochko bilan 15-pog'onadan joy olgan. Melziddinov jamoasi 5 fevralda "Saba Qom"ni qabul qiladi, "Paykon" esa "Gostaresh Fulad Tabriz" bilan o'ynaydi.

"Naft Masjid Sulaymon" - "Paykon" 0:0