Eldor SHomurodov: "Mourinyu bilan munosabatim boshidagidek emas, lekin..."
22 mar 2022 18:40
Yangiliklar
Eldor SHomurodov: "Mourinyu bilan munosabatim boshidagidek emas, lekin..."
- Milliy terma jamoa yig'iniga keldingiz. Kayfiyatingiz qanday?
- Milliy terma jamoaga kelganimda doim kayfiyatim alo bo'lgan.
- "Roma"dagi ishlaringizdan ko'nglingiz unchalik to'lmayotgan bo'lsangiz kerak.
- Albatta ko'proq o'ynashni xohlayman.
- Bunga nima sabab deb o'ylaysiz?
- Bilmadim, balki o'zimni yaxshi tomonlama ko'rsata olmayotgandirman. Buni vaqt ko'rsatadi.
- Namangandagi xalqaro musobaqa haqida nima deya olasiz?
- Ushbu musobaqa vodiylik muxlislar uchun o'ziga xos bayram bo'ladi. Ularni xursand qilishga harakat qilamiz.
- Mourinyu bilan munosabatlar yomonlashmadimi?
- Yo'q, barchasi joyida. To'g'ri boshidagidek emasku, lekin yaxshi.
- Rejangizda keyingi mavsum ham "Roma"da qolish niyati bormi?
- Klub bilan amaldagi shartnomam bor. Agar o'ynaydigan bo'lsam qolishni xohlayman, lekin ko'p vaqt zaxirada o'tirish niyatim ham yo'q.
- Abraxamning Angliyaga qaytishi mumkinligi haqida xabarlar chiqdi. Uning ketishi sizning qolishingizni kafolatlaydimi?
- Yo'q, uning ahamiyati yo'q deb o'ylayman.
- Oldin "Rostov"da o'ynagan vaqtingizda klubda gol ura olmasdi, terma jamoaga borib gollar urib yaxshi kayfiyatda klubga kelardi deyishardi. Namangandagi turnirda ham shunday bo'lishi mumkinmi?
- Albatta bo'lishi mumkin. Hujumchi birinchi navbatda gol ursa o'ziga bo'lgan ishonch oshadi. SHuning uchun "Navruz Cup" musobaqasida ham ko'p gol urishni xohlayman.
- Namanganlik muxlislarga nimalar degan bo'lardingiz?
- Vodiylik barcha muxlislarga stadionga kelib bizni qo'llab turishlarini so'rayman. Biz esa chiroyli o'yin bilan xursand qilishga harakat qilamiz.
O’xshash yangiliklar
championat.asia
Суперлига. Чемпионлик учун курашаётган "Насаф" ўз майдонида "Машъал"га мағлуб бўлди
Суперлига. "Бухоро" ўз уйида бир киши кам "Нефтчи"дан очко тортиб олди
ЖЧ U-17. Ўзбекистон Ирландияга имкониятни бой берди
Эшитдик-да! Кападзе Ўзбекистон терма жамоасидан кетди
Fikrlar