ECHL final o'yini "SPORT TV" da olib berilmaydimi?

Malum qilinganidek, Sport telekanali uchrashuvni jonli efirga uzatishi kerak edi. Bu o'yin translyaciya qilinishi haqida teledasturlarda va O'zbekiston milliy teleradiokompaniyasi saytida ham xabar berilgan edi.

Sport telekanalidagi manbamiz malumotiga ko'ra, CHelsi-Atletiko uchrashuvini jonli efirga uzatmaganiga ushbu chempionatning translyaciya huquqiga egalik qiluvchi kompaniya davosi sabab bo'lgan. 30 aprel kuni O'zMTRKga ushbu kompaniyadan uchrashuvni translyaciya qilmaslik haqida ogohlantirish xati kelgan. SHuni etiborga olib, O'zMTRK rahbariyati uchrashuvni efirga uzatmaslikka qaror qilgan.

Takidlash joiz, Sport telekanalidagi manbamiz ogohlantirish xatini yuborgan kompaniya nomini malum qilmadi.

SHuningdek, manbamizning qo'shimcha qilishicha, Evropa CHempionlar ligasi finalidagi Atletiko va Real o'rtasidagi uchrashuvni Sport telekanali tomonidan to'g'ridan-to'g'ri olib berilishi ham nomalum bo'lib qolmoqda. Bundan tashqari, avval rejalashtirilgan Evropa ligasidagi o'yinlar translyaciyasi ham bekor qilingan.

Eslatib o'tamiz, CHelsi-Atletiko uchrashuvida 1:3 hisobida Atletiko jamoasi g'alaba qozondi.