Denis Korostichenko: "Birgina standart hammasini hal qilib ketdi"

- O'yin haqida

- Avvalambor, "SHo'rtan"ni g'alaba bilan tabriklayman! Bitta gol o'yin taqdirini hal etdi. Boshqa hech narsa deyolmayman.

- "SHo'rtan" darvozasi oldida bahsli vaziyat yuzaga keldi. Sizningcha o'sha holatda penalti bormidi?

- Men hakamlar qarori bo'yicha fikr bildirolmayman. Vaziyatni Ekspert-hakamlar komissiyasi o'zi ko'rib chiqadi.

- Bugungi o'zgarishlar o'zini oqladimi? Qandaydir taktik o'zgarishlar qilishga urindingiz...

- Yigitlar o'zini ko'rsatishga harakat qildi. Oldinda yaxshi vaziyatlar bo'ldi. Birgina standart hammasini hal qilib ketdi. Futbolchilarga ortiqcha etirozim yo'q. 

- "Olimpik" o'tish o'yiniga ruhan tayyor emasmidi yoki charchoq alomatlari bormidi?

- Ham ruhan, ham jismonan tayyor edi.

- Bugun g'alabani qo'lga kiritishda "SHo'rtan"ning omadi keldi deb o'ylaysizmi?

- Omad demagan bo'lardim. Futbolchilarimiz 1 soniya diqqat-etiborni yo'qotishdi va bu golga sabab bo'ldi. "SHo'rtan" darvozamiz oldida aytarli vaziyatlar yaratmagandi. 

- Kelajakda "Olimpik" murabbiyi sifatida qolasizmi? 

- Hozircha bir narsa deyolmayman. Hali oldinda bitta o'yinimiz bor. Agar Superligada qolish masalasini hal etsak, rahbariyat bu masalani o'rganib chiqadi. Jamoamizning maqsadi – Superligada qolish. Keyingi bahsda g'alaba qozonishga harakat qilamiz.