Coca Cola Superligasi. 16-tur laureatlari
20 avg 2022 20:00
Yangiliklar

Coca Cola Superligasi. 16-tur laureatlari

Kuni kecha Coca Cola Superligasining 16-turidan o'rin olgan o'yinlar ("So'g'diyona" – "Neftchi" uchrashuvi bundan mustasno) yakunlandi.

Championat.asia tur bahslari asosida tur laureatlarini aniqladi.

"Olimpik" bu tur "Paxtakor" bilan durang o'ynadi – 1:1. Olimpiyachilar posboni shu kuni o'z mahoratini ko'rsatib, bir nechta seyvni amalga oshirdi va ko'p marta jamoasi joniga ora kirdi. SHu bois, "Olimpik" posboni Vladimir Nazarov Championat.asia sayti talqiniga ko'ra, 16-turning eng yaxshi darvozaboni deb topildi.

"Qo'qon-1912" bu tur Yaypanda "Navbahor"ni mehmon qildi va 1:1 hisobida durang qayd etdi. Davron Fayziev jamoasi shu kuni yorqin o'yin namoyish qilishdi. SHu tariqa, Championat.asia sayti talqiniga ko'ra, Davron Fayziev 16-turning eng yaxshi murabbiyi deya topildi.

Bu turda "Qizilqum" azosi Aleksandar Stanisavlevich "Dinamo" bilan bellashuvda burchak zarbasi orqali darvozani nishonga olib, o'z maqsadiga etdi va tur goli muallifiga aylandi.

"Qizilqum" hujumchisi Temurxo'ja Abduxoliqov "Dinamo"ga qarshi bahs taqdirini qaysidir manoda o'zi hal qildi. U 1 ta gol urdi hamda 2 marta assistent vazifasini bajarib, navoiyliklarning yirik hisobda g'alaba qozonishida katta hissa qo'shdi. SHu tariqa, Temurxo'ja Abduxoliqov Championat.asia talqiniga ko'ra 16-turning eng yaxshi futbolchisi deb topildi.