Coca Cola Superliga. Bugun "Andijon" - "Qizilqum" va "Navbahor" - "Bunyodkor" o'yinlari bo'ladi

ANDIJON – QIZILQUM
27 oktyabr 2020 yil. Andijon. "Sog'lom Avlod" stadioni. 15:00
Hakamlar: Firdavs Norsafarov, Sanjar SHoyusupov, Alisher Usmonov, Ahmadjon Ergashev
Nazoratchi: Rashid Aytekov
Komissar: Jahongir Rahmatullaev

Bu jamoalar hozirga qadar O'zbekiston chempionatida 33 marta to'qnash kelishgan. Ustunlik "Qizilqum" tomonida. 16 marta Navoiy klubi g'olib bo'lgan, 13 bor Andijon jamoasi zafar quchgan. Qolgan 4ta bahsda durang kuzatilgan. O'zaro o'yinlarda "Qizilqum" 54ta, "Andijon" 46ta gol urgan.

Oxirgi beshta o'zaro o'yinda "Andijon" bu raqibni mag'lub eta olmayapti - 2ta durang, 3ta mag'lubiyat. "Andijon" maydonida o'tgan so'nggi 11ta uchrashuvda "Qizilqum" faqat bir marta (2016 yil) g'alaba qozongan, qolgan 10ta o'yinda imkoniyat boy berilgan.

Birinchi davrada Navoiyda o'tgan bahsda 1:1 hisobi qayd etilgandi.

NAVBAHOR – BUNYODKOR
27 oktyabr 2020 yil. Namangan. "Markaziy" stadioni. 17:00
Hakamlar: Zokir Qodirov, Anvar Marajabov, Ziyodulla Abdurahmonov, Farruh Yansupov
Nazoratchi: Andrey Tambovcev
Komissar: Laziz Qo'chqorov

Bu klublar bugunga qadar milliy chempionat doirasida 29 bor to'qnash kelishgan. Katta ustunlik "qaldirg'ochlar" tomonida. "Bunyodkor" 20 marta g'olib bo'lgan, 4 marta "Navbahor" zafar quchgan. Qolgan beshta bahsda durang qayd etilgan.

O'zaro o'yinlarda "Bunyodkor" 59ta, "Navbahor" 21ta gol urgan.

Oxirgi uchta o'zaro o'yinda "Bunyodkor" 3 marta g'alaba qozongan.

Dastlabki davrada Toshkentda kechgan uchrashuvda mezbonlar 3:1 hisobida zafar quchishgandi.