"CHelsi" va "Barselona" Obameyang bo'yicha kelishuvga erishdi

Per-Emerik Obameyang "CHelsi"ga o'tishga yaqin turibdi.

Klublar hujumchini 14 million evro evaziga London klubiga o'tkazishga kelishib oldilar, shuningdek, ushbu shartnoma doirasida himoyachi Markos Alonso "ko'k-anorranglilar" safiga o'tadi. 

Klublar transfer tafsilotlarini yakunlashmoqda, Obameyang yaqin orada Londonga uchib ketadi.

"CHelsi" ham hujumchining o'zi bilan kelishuvga erishgan. Fabricio Romanoning so'zlariga ko'ra, 33 yoshli hujumchi shartnomani bir mavsumga uzaytirish imkoniyatini o'z ichiga olgan 2 yillik kelishuv imzolaydi.

Obameyang o'tgan qishda "Barsa"ga o'tgan edi. La Ligada u 17 ta o'yinda maydonga tushib, 11 ta gol urgan.