"CHelsi" "Manchester Siti" azosini sotib olish bo'yicha kelishuvga erishdi

Bu haqda "Sky Sports" xabar bermoqda.

"Ko'klar" 21 yoshli angliyalik uchun 40 mln funt to'laydi, yarim himoyachining o'zi allaqachon Londonga o'tishga rozi bo'lgan.

Palmer asli Manchesterlik bo'lib, "Siti" tarbiyalanuvchisi sanaladi. Koul "shaharliklar" asosiy jamoasida 41 ta o'yin o'tkazib, 6 ta gol va 2 ta golli uzatmaga mualliflik qilgan, shuningdek, 6 ta sovringa ega chiqqan. Yaqinda UEFA Superkubogi uchun o'tkazilgan o'yinda futbolchi "Sevilya"ga qarshi o'yinning eng yaxshi futbolchisi deb topildi. 

Palmer "Siti" tizimida U-21 jamoalari o'rtasida Evropa chempioniga aylangan, 105 ta uchrashuvda "gol+pas" tizimida "48+21" natija qayd etgan.