"CHelsi" Aspilikueta bilan shartnomani bir tomonlama uzaytirdi

"CHelsi" o'z himoyachisi Sesar Aspilikueta bilan shartnomani bir tomonlama uzaytirdi. Bu haqida Marca nashri xabar berdi. Manbaniing bildirishicha, Sesar Aspilikuetaning amaldagi shartnomasi shu mavsum oxiriga qadar belgilangan. Ammo bitimda kelishuvni bir yilga uzaytirish haqidagi band ham mavjud. Bu band faollashtirilishi uchun Sesar ushbu mavsumda 30 marta maydonga tushishi lozim bo'lgan. Himoyachi esa ushbu mavsumda 33 marta maydonga tushdi. "CHelsi" yuqoridagi bandni faollashtirib, himoyachi bilan shartnomani bir yilga uzaytirdi. Endi Sesar Aspilikueta klubdan keta olmaydi. 

Eslatib o'tamiz, avvalroq Sesar Aspilikueta "Barselona" bilan kelishib qo'yganligi borasida xabarlar tarqalgandi.