Bunyodkor – Mashal o'yini oldidan

9-turdan o'rin olgan mazkur bahs har ikki jamoa uchun ham muhim ahamiyatga egadir. O'tgan turda Jizzaxda mag'lubiyatga uchragan "Bunyodkor" va o'z maydonida "Buxoro" bilan durang o'ynagan "Mashal" o'rtasidagi bahs qiziqarli kechishi kutilmoqda. Bugun jamoalarning yoshlari "Bunyodkor" akademiyasi maydonida tur o'yinini o'tkazadi. Bahs 17:00 da start oladi va o'yinni Rustam Tolibjonov boshchiligidagi hakamlar guruhi boshqarib boradi. Bu o'yinda "Bunyodkor" yoshlariga faqatgina Narimon Xasanov yordam bera olmaydi.

Ertaga asosiy tarkib o'yini "Bunyodkor" stadionida bo'lib o'tadi va bu bahsni Baxtiyor Nomozov boshchiligidagi toshkentlik hakamlar guruhi boshqarib boradi. O'yin esa 18:30 da start oladi. Minori Sato ogohlantirishlari to'rttaga etgani bois "qaldirg'ochlar"ga yordam bera olmaydi.

"Mashal" o'yinga tayyorgarlikni Toshkentda davom ettirmoqda va bugun "Bunyodkor" akademiyasi maydonida o'yin oldi mashg'ulotlar bo'lib o'tadi.

"Mashal"ga qarshi Eldor SHomurodov, Otabek SHukurov, Mirzohid G'ofurov kabi futbolchilar birinchi marta maydonga tushishlari mumkin.

Yoshlar ligasi, 9-tur.
14 may (payshanba)
Bunyodkor (Toshkent) – Mashal (Muborak)  17:00
Hakam: R. Tolibjonov (Farg'ona)
Nazoratchi: A. Xotamov (Toshkent).

Oliy liga, 9-tur.  
15 may (juma)
Bunyodkor (Toshkent) – Mashal (Muborak)  18:30
Hakamlar: B. Namozov (Toshkent), B. Qodirov (Buxoro), A. Qo'ldoshev (Buxoro), R. Tolibjonov (Farg'ona)
Nazoratchi: A. Xotamov (Toshkent).