Bugungi tur imkoniyatlari

To'g'ri, "Nasaf" mezbonligida o'tadigan o'yinlarda ular g'alaba qozonib kelganlar. Ammo Toshkentda jamoa juda qiynalardi. Hozirgi paytda xuddi shunday "Metallurg" Ro'ziqul Berdiev jamoasi uchun noqulay raqib. To'g'ri, bugunga kelib "Metallurg" mag'lubiyat iskanjasiga tushib qoldi. "Paxtakor" bilan o'yindan kelib chiqsak, jamoa yomon o'ynamadi, faqat yakuniy zarbani bera olmayapti. 2014 yil Qarshida durang natija qayd etilgan edi, ammo Bekobodda 2:0 hisobida "ajdarlar" ustun kelganlar.

Bu o'yin qiziqarli kechishi aniq, agar "Nasaf" birinchi gol urib olsa hisob yiriklashib ketishi ham mumkin.



"Nasaf" (Qarshi) - "Metallurg" (Toshkent)
15 may. Qarshi. "Markaziy" stadion. 19:00.
Hakamlar: Z. Qodirov (Navoiy), V. Lushin (Guliston), R. Nugmanov (Toshkent), E. Tursunov (Buxoro)
Nazoratchi: A. Popov (Toshkent).

Imkoniyatlar: 50:50%


"Bunyodkor"dan bugunga kelib omad ochiqchasiga yuz o'giryapti. Jamoa yomon o'ynayapti deb aytib bo'lmaydi. Ammo "Lokomotiv" kabi aniq tarkib yo'q. Har safar Lushan kamida ikki nafar futbolchini almashtiryapti. Jamoa OCHL bilan qo'shib hisoblaganda 14ta o'yinda o'zining asosiy tarkibini tuzib ololmadi. "Mashal"da esa aksincha, hamma o'z nuqtasidan muqim o'rin olgan. Bu gapni fakt bilan keltirsak. "Mashal"da hozirgacha 8 nafar futbolchi oliy liganing barcha turlarida harakat qildi. "Bunyodkor"da Rashidov va Hamdamov 7tadan o'yinda maydonga tushgan. Sardor 3ta o'yinda zaxiradan maydonga chiqqan, Doston esa bor-yo'g'i uchta o'yinni to'liq o'tkazgan. "Mashal"dagi o'rtacha daqiqa 82 daqiqani tashkil etgan bo'lsa, "Bunyodkor"da 8ta o'yin 55 daqiqani tashkil etdi. O'yin amaliyotining futbolda o'rni katta. Bularni barchasini va "Bunyodkor"ning mezbonligini inobatga olgan holda imkoniyatlarni 50:50% baholadik.



"Bunyodkor" (Toshkent) - "Mashal" (Muborak)
15 may. "Bunyodkor" stadioni. 18:30.
Hakamlar: B. Namozov (Toshkent), B. Qodirov (Buxoro), A. Qo'ldoshev (Buxoro), R. Tolibjonov (Farg'ona)
Nazoratchi: A. Xotamov (Toshkent).

Imkoniyatlar: 50:50%