Bugun futbol. "Obod" - "Neftchi"

Oliy liga. 24-tur. 1 oktyabr
OBOD - NEFTCHI
Boshlanish vaqti 17:00

Turnir jadvalidagi o'rni: "Obod" 15-o'rinda (16 ochko), "Neftchi" 8-o'rinda (28 ochko)
Ochkolar orasidagi farq - 12 ochko

Tarif: Avvalgi turda "Loko" bilan durang o'ynab, o'ziga xos sensaciyani yuzaga keltirgan "Obod" bu turda "Neftchi" bilan bellashadi. Ikkala jamoaning kayfiyati yuqori. CHunki "Neftchi" ham o'tgan turda ochko olishga erishdi. Farg'onaliklar "Olmaliq"dan ustun kelishdi. Bugun qiziq uchrashuv kechishi kutilmoqda. Garchi "Neftchi" nomdor bo'lgani bilan "Obod"dan ham munosib qarshilik kutsa bo'ladi.

Fakt: "Obod" ikkinchi davrada hozircha ikkita g'alabaga erishgan va ikkalasi ham uydagi o'yinlarda qo'lga kiritildi. Umuman olganda, "Obod" joriy mavsum "Jar" stadionida 11ta o'yin o'tkazib, shundan faqat uchtasida g'alabaga erishgan.

Fakt: "Neftchi" ham ikkinchi davrada hozircha ikki bor zafar quchdi. Va farg'onaliklarda ham ikkita g'alaba uydagi bellashuvlarda qo'lga kiritilgan. "Neftchi" hozircha safar o'yinlarida uch ochkoni qo'lga kiritgani yo'q.

Eslatma: Farg'onada kechgan birinchi davra bellashuvida "Neftchi" 1:0 hisobida g'alabaga erishgan.