Bugun futbol. "Metallurg" - "Mashal"

Oliy liga. 17-tur. 12 avgust

Metallurg (Bekobod) – Mashal (Muborak)

Hakamlar: R. Ermatov (Toshkent), A. Rasulov (Toshkent), J. Saidov (Toshkent), A. Rubakov (Toshkent)

Nazoratchi: I. SHaripov (Buxoro).

PFL vakili: G. Rtveladze.

Turnir jadvalidagi o'rni: "Metallurg" 8-o'rinda (23 ochko), "Mashal" 10-o'rinda (21 ochko). 

Jamoalar jadvalda bir-birlariga juda yaqin o'rinlarni egallab turishibdi. Agar "Mashal" g'alaba qozonsa, "Metallurg"dan o'zib ketadi. O'tgan turni ikkala jamoa ham ko'tarinki kayfiyatda o'tkazdi. "Metallurg" safarda "Dinamo"ni 3:0 hisobida mag'lub etib qaytgan bo'lsa, "Mashal" Toshkentda "Lokomotiv" bilan 1:1 o'ynadi. 

Bugungi bellashuvda "Metallurg" o'z maydonida o'ynaydi, shu bois ustunlik mezbonlar tomonida, ammo "Mashal" "Lokomotiv"ga qarshi o'yinini Bekobodda ham namoyish eta olsa, unda yana bir qiziqarli bahsga guvoh bo'lamiz. 

Esingizdami? Muborakda kechgan birinchi davrada o'yinida "Mashal" o'z raqibini 1:0 hisobida mag'lub etgan. O'tgan yil Bekobodda bo'lib o'tgan o'yinda esa maydon egalari yirik 6:0 hisobida zafar quchishgan. Bu mag'lubiyat hali "Mashal"ning esidan chiqmagan bo'lsa kerak. 

Fakt: "Metallurg" o'z maydonidagi bahslarda to'rt marta g'alaba qozonib, faqat ikki bor yutqazgan. SHuningdek, bir marta durang o'ynagan. To'plar nisbati 12-8. "Metallurg" uyda "Dinamo" va "Buxoro"ga yutqazib qo'ygan. 

Bilasizmi? "Metallurg" Bekoboddagi oxirgi uch uchrashuvni faqat g'alaba bilan yakunladi. "So'g'diyona" - 3:1, "Nasaf" - 1:0, "Qizilqum" - 3:1. 

Fakt: "Mashal" safar o'yinlarida hozircha faqat bir marta g'alaba qozongan. Muborak jamoasi 3-turda "SHo'rtan"ni 2:0 hisobida mag'lub etib qaytgan. Jamoa safardagi oxirgi ikki bahsni durang bilan tugatdi.