Breaking news: O'zbekistonning Osiyo Kubogiga boradigan tarkibi!

Xabaringiz bor, Dubaydagi mashg'ulotlarda 26 nafar futbolchi ishtirok etdi. Osiyo Kubogida esa 23 nafar futbolchini zayavka qilish mumkin. Afsuski quyidagi uch nafar futbolchi ro'yxatdan chiqib turishga majburlar. Bular, himoyachi Bobur Yo'ldoshev, yarim himoyachi Javlon Ibrohimov va hujumchi Navro'z Alimov.

Osiyo Kubogida futbolchilar 1-23 raqam oralig'ida ro'yxatdan o'tishlari kerak. Unga ko'ra terma jamoamizning yakuniy ro'yxati quyidagicha ko'rinish oldi.

1. Eldor Suyunov ("Nasaf")
2. Egor Krimec  ("Paxtakor")
3. SHavkat Mullajonov ("Lokomotiv")
4. Sardor Rashidov ("Bunyodkor")
5. Anzur Ismoilov  ("CHanchun Yatai", Xitoy)
6. Bahodir Nasimov ("Padideh", Eron)
7. Aziz Haydarov ("Al SHabab", BAA)
8. Server Jeparov  ("Seongnam", J.Koreya)
9. Odil Ahmedov ("Krasnodar", Rossiya)
10. Jamshid Iskanderov ("Paxtakor")
11. Igor Sergeev ("Paxtakor")
12. Ignatiy Nesterov ("Lokomotiv")
13. Lutfullo To'raev ("Lokomotiv")
14. SHuhrat Muhammadiev ("Nasaf")
15. Jasur Hasanov ("Lokomotiv")
16. Vohid SHodiev ("Bunyodkor")
17. Sanjar Tursunov ("Vorskla", Ukraina)
18. Timur Kapadze ("Aktobe", Qozog'iston)
19. Vitaliy Denisov ("Lokomotiv", Rossiya)
20. Islom To'xtaxo'jaev ("Lokomotiv")
21. Akbar To'raev ("Bunyodkor")
22. Farrux Sayfiev ("Nasaf")
23. Akmal SHorahmedov ("Bunyodkor")

"Bobur Yo'ldoshev va Javlon Ibrohimov afsuski yakuniy ro'yxatdan o'rin olmaydilar. Uchinchi futbolchi kim bo'lishi hali nomalum. Bahodir Nasimov yoki Navro'z Alimovdan biri Avstraliyaga bormaydi. Lekin bu futbolchilar ro'yxatdan o'rin olmadim deb xafa bo'lishi kerak emas. Oldin ham aytganman, qita chempionatiga 23 nafar futbolchini olib borish kerak. Qo'limda bo'lsa barcha yigitlarni olib ketardim. Rosti qaror qabul qilish juda og'ir bo'ldi. Terma safida mashg'ulot o'tkazgan barcha yigitlarning tayyorgarlik jarayonida yordami tegdi. Bundan oldingi yig'inda ishtirok etib so'nggi yig'inga kelmaganlar ham borini berib harakat qilgandi", - deydi Mirjalol Qosimov.


P.S. Agar viza masalasi hal etilmay qolsa Osiyo Kubogiga Bahodir Nasimov bormaydi. SHunday holatda uning o'rnini Navro'z Alimov to'ldiradi.


Nodirxo'ja Yuldashev