Boyan Miladinovich: "Al Vasl"da kuchli murabbiy ishlamoqda, lekin "Paxtakor"ga ishonaman"
17 sen 2024 15:18
Yangiliklar

Boyan Miladinovich: "Al Vasl"da kuchli murabbiy ishlamoqda, lekin "Paxtakor"ga ishonaman"

Bugun Elit Osiyo chempionlar ligasi 1-turi doirasida "Paxtakor" - "Al Vasl" uchrashuvi bo'lib o'tadi.

Mazkur bahsdan avval 2009-2014 yillarda "Paxtakor" sharafini himoya qilgan himoyachi Boyan Miladinovichning fikrlari bilan qiziqdik.

"Bugun "Paxtakor" yangi tashkil etilgan Elit Osiyo chempionlar ligasidagi ilk uchrashuvini o'tkazadi. Uzoq yillar davomida o'zim to'p tepgan jamoaga bugungi bahsda g'alaba tilayman. Og'ir o'yin bo'ladi, sababi "Al Vasl"da serbiyalik murabbiy ishlamoqda. Milosh Miloevich 2 yil oldin "Crvena Zvezda" bilan Serbiya chempioni bo'lgan va mamlakat kubogini qo'lga kiritgan va "Al Vasl"ga o'tib ketgandi. To'g'risini aytsam, o'shanda BAAga ketib qolganidan xayron qolgandim. Menimcha yaxshi taklif bo'lgani uchun shunday qilgan. O'tgan mavsumda Milosh "Al Vasl"ni BAA chempioni qila oldi va bundan tashqari klub BAA Prezidenti kubogini ham qo'lga kiritdi. "Al Vasl" adashmasam 20 yil oldin (2007 yil - tahririyat) mamlakat chempioni bo'lgandi. SHu sabab "Paxtakor"ni oson bo'lmagan bahs kutib turibdi. Jamoa tarkibida kuchli legionerlar bor. Masalan, yarim himoyachi Srdjan Miyailovich yaqindagina Serbiya milliy terma jamoasi safida Evropa chempionatida ishtirok etdi. SHunga qaramay "Paxtakor" bugun yaxshi o'yin namoyish etishi va ochkolar olishiga umid qilaman.

Elit Osiyo chempionlar ligasi G'arb mintaqasida juda kuchli legionerlar bor. "Paxtakor"da esa legionerlardan Dragan CHeran bor. U 37 yoshda va CHeran maydonga tushmagan paytda "Paxtakor" juda qiynalib gol urmoqda. Barchasi CHeran orqali bo'lmoqda, u maydonda bo'lmasa "Paxtakor" butunlay boshqa jamoaga aylanmoqda. "Paxtakor" 1/8 finalga chiqishiga muxlislik qilaman", - dedi Boyan Miladinovich.