Baxtiyor Ashurmatov: "Futbolchilarim bilan faxrlanaman"

"Bugun derbi bo'lganligi bois ikki hissa katta kuch bilan tayyorgarlik ko'rgandik. Uchrashuvdan oldin futbolchilarga boshqa har qanday jamoaga mag'lub bo'lsak muxlislar bizni kechirishi mumkinligini aytdim. Biroq "Neftchi" va "Andijon"ga qarshi bahsda mag'lub bo'lsak muxlislarimiz bizdan xafa bo'lishlari aniqligini aytdim.

SHu bois futbolchilar bugun ikki xissa kuch bilan o'ynashdi. Bugungi g'alaba bilan rahbariyatni, muxlislarni va futbolchilarni tabriklayman. SHunday futbolchilar bilan ishlayotganimdan faxrlanaman.

Mansur Saidov imkoniyati darajasida to'p tepmoqda. Jamoaga moslashib ketgan. "Navbahor" muxlislari juda talabchan ekanligini bilaman. Jamoa ancha ahil va maqsad uchun kurashishda davom etmoqda.

Keyingi turda "Paxtakor"ga qarshi o'yin kutib turibdi. Bu chempionatda kutilmagan natijalar kuzatildi. Biz qaysi jamoa bilan o'ynashimizdan qatiy nazar g'alaba uchun o'ynaymiz. Agar Toshkentda yigitlarim bugungidek o'ynay olishsa g'alaba qozona olamiz. "Paxtakor" kuchli jamoa ekanligini barcha biladi. Bu bahsda barchani taklif etib qolaman.

"Moliyaviy muammo bo'lsa, murabbiyda doim havotir bo'ladi. O'zim futbolchi bo'lganman. SHu bois shogirdlarimni juda yaxshi tushunaman. Agar yigitlarga maoshlari vaqtida berib turilmasa men ulardan uzr so'rayman va rahbariyat bilan yaxshi kayfiyatda xayrlashishga majbur bo'lamiz. Ishonamanki ish bungacha etib bormaydi. Ayni paytda rahbariyat qo'ldan kelganicha yordam berib turibdi, barcha sharoitlarni yaratib berishgan", - deydi Ashurmatov.