Avazbek O'lmasaliev: "Ikkinchi davrada o'z o'rnimizni qaytaramiz, OKMK kurashdan chiqqani yo'q"

Jamoaning mudofaa chizig'i vakili Avazbek O'lmasaliev "Mashal" bilan o'yindan so'ng fikrlarini bildirdi.

- Birinchi davrani juda yaxshi boshladinglar, ammo keyin natijalar susaydi. Bunga asosiy sabab nimada deb o'ylaysiz?
- Ha, rostdan ham bu yil boshida yaxshi start oldik Ammo FIFA kunlari sababli o'yinlardagi uzilish bizga tasir qildi, deb o'ylayman. Tanaffusdan qaytganimizdan keyin o'yinimiz avvalgidek chiqmadi. Ritmni yo'qotdik, jismoniy va ruhiy tayyorgarlikka ham tasiri bo'ldi.

- Umumiy manzarada Superliga sizda qanday taassurot qoldirdi?
- Bu yilgi Superligada raqobat ancha kuchayganini barcha ko'rib turibdi. Jamoalarning ochkolari juda yaqin — bu turnir jadvalida ham aks etgan. Lekin OKMK o'ziga xos o'rni bor jamoa va hozirgi natija bizga xos emas. Xudo xohlasa, ikkinchi davrada o'z o'rnimizni albatta qaytaramiz.

- OKMK ikkinchi davrada chempionlik yo'lida raqobatlasha oladimi?

- Albatta! Biz hali hech narsa tugadi deb o'ylaganimiz yo'q. Oldimizda ko'p o'yinlar bor, imkoniyatlar ham bor. OKMK har mavsumda oxirigacha kurashadi — bu yil ham shunday bo'ladi, deb ishonaman.

- Birinchi davrada qaysi hujumchiga qarshi o'ynash eng murakkab bo'ldi?
- Rostini aytsam, hali bunday futbolchi chiqmadi!