"Atletiko" "Bavariya"ning Feliks bo'yicha 80 million evrolik taklifini rad etdi

Bu haqda "Bayern & Germany" xabar bermoqda.

Manba bergan xabarga ko'ra, Germaniya klubi 22 yoshli portugaliyalik uchun 80 million evro taklif qilgan, biroq "matraschilar" rahbariyati bu taklifni rad etgan. Avvalroq hujumchining xizmatlariga "Manchester Yunayted" qiziqish bildirayotgani haqida xabarlar tarqalgan edi.

Eslatib o'tamiz, Feliks 2019 yilning iyul oyida "Benfika"dan 127,2 million evro evaziga "Atletiko"ga o'tgan edi. Madridliklar safida jami 124 ta o'yin o'tkazib, 29 ta gol urdi va 18 ta golli uzatmani amalga oshirdi. Uning shartnomasi 2025/26 yilgi mavsum oxirigacha amal qiladi.