Artyom Filiposyan: "Tailandga hech kim gol ura olmagan bo'lsa, O'zbekiston bu ishni uddasidan chiqadi"

Ushbu mamlakat futboli, klublari, terma jamoasi begona hisoblanmaydi. Bir necha yillar avval OCHL uchrashuvlarida klublarimiz Tailand jamoalari bilan to'qnash kelgan. O'zbekistonlik futbolchilar Tailand klublarida to'p tepgan. SHunday o'yinchilardan biri Artyom Filiposyan. Tajribali himoyachi "Prachuab", "Muangkan Yunayted" klublari sharafini himoya qilgan. "Prachuab" bilan mamlakat kubogini qo'lga kiritgan. Bo'lajak o'yin oldidan uning fikrlari bilan qiziqdik. 

- Tailandning guruh bosqichidagi o'yinlaridan kelib chiqib bu jamoa boshdan baland sakradimi?

- Tailand chempionati yildan-yilga o'sishga erishmoqda. Bu narsa o'z-o'zidan terma jamoada ham aks etmoqda. Qolaversa, yaponiyalik murabbiy Masatada Ishining ishi ham yaxshi taassurot qoldirmoqda. 

- Tailand qanday raqibga qarshi maydonga chiqishini biladi va himoyadan o'yin tashkil qiladi. Futbolchilar orqada zich harakat qilishadi. Guruhda ular o'z darvozasidan gol o'tkazgani yo'q. Bu narsa oldinda vaziyatlar yaratishda to'siq bo'lmaydimi?

- Yuqorida aytganimdek, Tailand murabbiyi himoyani ancha yaxshi shakllantiribdi. Ularning o'yinlarini ko'rdim. Hech kim gol urmagan bo'lsa, O'zbekiston buni ortig'i bilan uddalashiga ishonaman. Yakunda biz g'alaba qozonamiz. Terma jamoamizga omad va yurtimizga yorug' yuz bilan qaytishlarini tilab qolaman. 

- O'zbekiston bilan o'yin oldidan Tailand terma jamoasi futbolchilari nimaning evaziga o'sishga erishyapti?

- Mahalliy futbolchilar chempionatga kelayotgan legionerlardan ko'p narsa o'rganmoqda. Misol uchun, Tailand futbolchilari va terma jamoasi oldin kuchli bo'lmagan. Hozirga kelib ular yaxshi darajaga chiqishdi. 

- Guruh bosqichidagi 3ta o'yinda raqiblar darvozamiz tomon 4tagina aniq zarba yo'llashdi va 1ta gol (u ham penaltidan) urishdi. Himoya chizig'imiz tartibga kelib qoldimi? 

- Bunga sabab futbol o'zgarayotgani. O'zbekiston terma jamoasining ayni vaqtdagi himoya chizig'i shaxsan menda ijobiy taassurot qoldiryapti. Yaxshi himoyachilar jamlangan. SHu ruhda davom etishimiz kerak. 

- Artyom Filiposyan faoliyatini qaerda davom ettiradi?

- Yangi mavsumni "Buxoro"da boshlayman. Klub bilan bir yillik shartnoma tuzdim.