Arteta qatorasiga uchinchi mag'lubiyat haqida nimalar dedi?

“To'pchilar” APL 33-turida “Sautgempton”ga imkoniyatni (0:1) boy berdi. Bu Mikel Arteta shogirdlari uchun ketma-ket uchinchi mag'lubiyat hisoblanadi.

“Bunday mag'lubiyatni qabul qilish qiyin. O'yinni nazorat qilib, qanday qilib yutqazganimizni tushunish mushkul.

Muntazam aniq zarba bera olmadik, hujumlarni yakunlay olmadik. SHuncha vaziyatlar yaratgandan keyin 3-4 ta gol urish kerak. Standartdan keyin esa kulgili gol o'tkazib yubordik. Mazkur epizodda etarlicha himoyalana olmadik.

“Arsenal”ning formasi jiddiy xavotir uyg'otmoqda. O'yinlarni har xil holatda yutqazdik va bugungi mag'lubiyat tushunarsiz bo'ldi. Yaxshi o'ynadik, ammo kerakli natijaga erisha olmadik. Uchrashuvlarda g'olib bo'lish uchun imkoniyatlardan unumli foydalanish lozim. Hozir esa bunday bo'lmayapti”, deydi Arteta.