Argentinada shov-shuvli voqea: Maradonaning o'g'li otasini shifokorlar o'ldirganini aytmoqda

Diego Sinagra otasining vafoti tasodif bo'lmagani va bu fojiada uni davolagan shifokorlar aybdor ekanligini takidladi.

"Meni eng ko'p azoblaydigani – otamni o'ldirishgani. Bu shubhasiz. Uni qutqarish uchun hech narsa qilishmadi. Ishonchim komilki, biz shifokorlarning etiborsizligini isbotlaymiz", – dedi kichik Maradona.

Eslatib o'tamiz, Diego Maradona 2020 yil 25 noyabrda 60 yoshida vafot etgandi. O'limning rasmiy sababi yurak xuruji deb ko'rsatilgan bo'lsa-da, o'shandan beri mashhur futbolchiga ko'rsatilgan tibbiy xizmat sifati borasidagi bahslar tinmayapti.

Yulduzning vafotidan so'ng uning shaxsiy shifokori hamda Maradona vafot etgan kuni uning uyida navbatchilik qilgan hamshira policiyada ham gumon keltirib chiqargan. Bu esa tergovning boshlanishiga sabab bo'lgan. Ish bo'yicha 7 kishi ayblangan.

Avvalroq Italiyada argentinalik yulduz amalda o'ldirilgani haqida malumotlar berilgandi.

Maradona "Barselona", "Napoli" va "Nyuells Old Boyz" jamoalarida o'ynagani bilan nom qozongan. U Argentina terma jamoasi tarkibida 1986 yil jahon chempioni unvonini qo'lga kiritgan va futbol tarixidagi eng buyuk o'yinchilardan biri hisoblanadi.