AQSH terma jamoasi tarkibi haqida nimalarni bilish lozim?

O'zbekiston milliy terma jamoasi 10 sentyabrga o'tar kechasi AQSHning Sent-Luis shahridagi "Siti park" stadionida amerikaliklarga qarshi o'rtoqlik uchrashuvida maydonga tushadi. O'yin Toshkent vaqti bilan tunda (9 sentyabrdan 10 sentyabrga o'tar kechasi) soat 02:30da boshlanadi. 

AQSH terma jamoasi tarkibi (klub/mamlakat; o'yin/gol)

Darvozabonlar (3): Dreyk Kallender ("Inter Mayami"/AQSH; 0/0), Itan Xorvat ("Nottingem Forest"/Angliya; 8/0), Mett Terner ("Nottingem Forest"/Angliya; 32/0).

Himoyachilar (9): Serjino Dest ("PSV Eyndxoven"/Niderlandiya; 26/2), Kristoffer Lund ("Palermo"/Italiya; 0/0), Mark Makkenzi ("Genk"/Belgiya; 11/0), Kevin Paredes ("Volfsburg"/Germaniya; 0/0), Tim Rim ("Fulxem"/Angliya; 51/1), Kris Richards ("Kristal Pelas"/Angliya; 10/1), Antoni Robinson ("Fulxem"/Angliya; 36/2), Maylz Robinson ("Atlanta Yunayted"/AQSH; 25/3), Jo Skalli ("Borussiya Myunxengladbax"/Germaniya; 6/0)

Yarim himoyachilar (6): Ben Kremaski ("Inter Mayami"/AQSH; (0/0), Luka de la Torre ("Selta Vigo"/Ispaniya; 16/0), Ueston Makkenni ("Yuventus"/Italiya; 44/11), Yunus Musa ("Milan"/Italiya) 27/0), Tanner Tessmann ("Veneciya"/Italiya; 1/0), Malik Tillman ("PSV Eyndxoven"/Niderlandiya; 4/0)

Hujumchilar (6): Brenden Aaronson ("Union Berlin"/Germaniya; 32/7), Folarin Balogun ("Monako"/Franciya; 2/1), Keyd Kouell ("San-Xose Ertkveyks"/AQSH; 8/1), Rikardo Pepi ("PSV Eyndxoven"/Niderlandiya; 16/7), Kristian Pulishich ("Milan"/Italiya; 60/25), Tim Vea ("Yuventus"/Italiya; 31/4).

AQSH va O'zbekiston erkaklar milliy terma jamoalari ilk marotaba to'qnashadi. O'zbekiston AQSHning 101-raqibi sanaladi. Ikki davlat o'smirlari 2011 yil o'smirlar o'rtasidagi jahon chempionatida to'qnash kelishgan. SHuningdek, ayollar terma jamoalari o'rtoqlik uchrashuvida maydonga tushishgan.

Tarkibga oid qiziqarli malumotlar 

- Tarkibga ikki va undan ortiq o'yinchilar chaqirilgan klublar soni oltitani tashkil etadi, ulardan beshtasi Evropa jamoalari;

- Tarkibning o'rtacha yoshi 23 yosh-u 306 kunni tashkil etadi;

- 2022 yilgi jahon chempionatida ushbu tarkibning 12 nafar futbolchisi qatnashgan;

- Tarkibdagi 14 nafar futbolchining 23 va undan kichik yoshda hisoblanadi.

- Tarkibga sakkiz mamlakat klublaridan futbolchilar jalb etilgan;

- Tarkibdagi 15 nafar futbolchi Osiyo jamoalariga qarshi o'ynagan, qolgan 8 nafar o'yinchi ilk bor mazkur qita vakillariga qarshi maydonga tushadi.