APL tarixidagi 5 ta eng omadsiz transfer

5.Andrey SHevchenko. "Milan"dan "CHelsi"ga katta maqsadlar bilan olib kelingan Andrey SHevchenkoning londonliklar safida ishlari yurishmagan. U "Milan" safida 208 ta o'yinda 127 ta gol kiritgan. "CHelsi"dagi faoliyati davomida esa 9 martagina raqiblar darvozasini aniq nishonga olgan. Ukrainalik futbolchi o'shanda 30,8 million funt evaziga Tumanli Albionga ko'chib o'tgandi. SHevchenkoni "Milan"dagi faoliyati sababligina buyuk futbolchilar qatoriga qo'shishadi, "CHelsi"dagi o'yinlari uchun emas...

4.Mario Balotelli. Italiyalik futbolchi 16-o'yinga kelibgina "qizillar" safidagi dastlabki golini kiritishga muvaffaq bo'lgan. 16 million funt evaziga harid qilingan futbolchining Angliyaga qaytishi muvaffaqiyatli kechmadi.

3.Fernando Torres. "Liverpul" yulduzi Londonga ko'chib o'tganida ham undan ko'p narsa kutishgandi. Biroq, ispaniyalik to'p ustasi o'zidan kutilgan o'yinni "aristokratlar" safida namoyish eta olmadi. 50 million funt sterlinglik futbolchi keyinchalik "Milan"ga ijaraga berildi. So'ngra "Atletiko"ga sotib yuborildi...

2.Endi Kerroll. "Nyukasl"dan 35 million funt evaziga sotib olingan "gigant" futbolchi ham "qizillar" safida o'ziga bildirilgan ishonchni oqlay olmagan.

1.Anxel Di Mariya. "Real"dan 59,7 million funt sterlingga sotib olingan argentinalik futbolchi Lui van Gal qo'l ostida o'z imkoniyatlarini namoyon eta olmadi. Angliyadagi muvaffaqiyatsiz mavsumdan so'ng PSJ safiga borib qo'shildi.

Aziz To'xtamurodov tayyorladi