Andrey Fyodorov: "O'yinni yaxshi boshlab, yomon tugatdik"

- Bugungi bahs odamda ikki xil tasavvur qoldirdi. O'yinni yaxshi boshladik, yomon tugatdik. Erta urilgan gol yigitlarni ruhiy tomondan sokinlashtirdi, bu gol bizga ko'proq negativ emociyalar taqdim qildi. Asosiysi, o'z tempimizni saqlab qolishga intildik. "Neftchi" esa tempni tushirishga harakat qildi. Bilasiz, 8-9 kishilk himoyadan o'tish qiyin.

Futboldagi qonun bugun ham isbotini topdi: "Sen urmasang, senga urishadi". Bu o'yin orqali yanada ko'proq ishlashimiz kerakligini bilib oldim. Keyingi bahs juda qiyin o'tadi. "Buxoro" o'z maydonida anchagina kuchli o'yin ko'rsata oladi. Endi hafsalani tushirmasdan, keyingi bahsda barcha qurollarni ishlatish kerak.

Katta tanaffusdan keyin o'yinimiz biroz o'xshamayapti. "Qizilqum" bilan bahsda ham shunday bo'lgandi. Yigitlarda o'yin processi buzilmoqda. Nima ham qilardik, format shunday.

Pogrebnyak? Murabbiy hech qachon mamnun bo'lmaydi. Bugun uning "Lokomotiv" futbolchisi sifatidagi birinchi rasmiy uchrashuvi bo'ldi. Yig'inlarda yaxshi tassurot qoldirgandi. Uni faqatgina mashg'ulot uchun olib kelmaganmiz. Nikolayning xizmatlaridan ko'proq foydalanishga harakat qilamiz.

Temurxo'ja Abduxoliqov: "Yutish uchun birgina gol kamlik qildi. Yaratilgan ko'plab vaziyatlardan foydalana olmadik. Tezkor urilgan goldan keyin sekinlashdik. So'nggi daqiqalarda "Neftchi" golga anchagina yaqinlashdi. Barchasi shunga borayotgandi. Golga o'zimiz sababchimiz. Ushbu bahs bizga kerak emas, yo'qotilgan ochkolar hech narsani anglatmasligini hisobga olib, o'zimizni ovutamiz. Hech nima bo'lmadi. Endi Buxoroda bo'ladigan qiyin o'yinga jiddiy tayyorlanamiz".