"Andijon"ning "inqirozi"ga kubok barham berishi mumkin. Superligada ularni qanday sinovlar kutib turibdi?
26 avg 22:59
Yangiliklar

"Andijon"ning "inqirozi"ga kubok barham berishi mumkin. Superligada ularni qanday sinovlar kutib turibdi?

Mavsumni ko'tarinki ruhda boshlagan va dastlabki qismini munosib o'tkazgan "Andijon"ning ikkinchi davradagi natijalari pastga qarab ketmoqda.

So'nggi 4 ta o'yinda ketma-ket mag'lubiyatga uchragan "burgutlar" uchun oldinda O'zbekiston kubogi yarim finali va Superligada jiddiy uchrashuvlar kutib turibdi. Avvalgi natijalarni eslab o'tamiz.

14-tur. "Andijon" - OKMK 2:3

15-tur. "Bunyodkor" - "Andijon" 2:0

16-tur. "Andijon" - "Surxon" 2:3

17-tur. "Nasaf" - "Andijon" 3:0

Demak jamoaning taqvimi quyidagicha ko'rinish olgan. 30 avgust kuni O'zbekiston kubogi yarim finali doirasida "Surxon" "Bobur Arena"da mehmon bo'ladi. SHu bilan Aleksandr Xomyakov shogirdlari tanaffusga yo'l olishadi va 14 sentyabr kuni yana o'z maydonida endi "Lokomotiv"ga qarshi to'p tepadi. 19 sentyabr sanasida Jizzaxda "So'g'diyona" imtixoni va 24 sentyabr kuni "Neftchi"ga qarshi vodiy derbisi kutmoqda.