“Andijon”: Tarkibdagi o'zgarishlar va bo'lajak nazorat o'yinlari haqida

Futbolchilar bugun ham ikki mahal shug'ullandi. Kichik jaroxat tufayli bir necha kunga umumiy guruh mashg'ulotlaridan chetda qolgan Ibrohim Otaxonov, G'ulom O'runov, Mirzakamol Kamolov bugundan yana umumiy guruh bilan mashg'ulot o'tkazdi. Iqtidorli hujumchi Alisher SHog'ulomov esa betob bo'lib qolgani sababli davolanish bilan band. 

Jamoamiz safiga kuni-kecha ikki nafar yangi futbolchi kelib qo'shildi. Ishqibozlarga asosan “Olmaliq”dagi o'yinlari orqali yaxgi tanish bo'lgan Doston Abdurahmonov ayni damda “Andijon” mashg'ulotlarida ishtirok etmoqda. 1990 yilda tavallud topgan futbolchi o'tgan mavsum “Mashal” va “Qizilqum” klublarida xarakat qilgandi. Tayanch yarim himoyachisi bo'lgan Abdurahmonov va klub o'rtasida o'zaro kelishuvga erishilsa, futbolchi joriy mavsumni “Andijon”da boshlaydi. 

Bundan tashqari Otabek Valijonov ham bugun jamoamiz mashg'ulotlarida ishtirok etdi. Ushbu futbolchi oxirgi yillarda “Navbahor” sharafini himoya qilib kelayotgandi. SHu bois Baxtiyor Ashurmatov uning qanday imkoniyatga ega ekanligini yaxshi biladi. Muxlislar yaxshi bilishsa kerak, Valijonov ilgari malum muddat “Andijon”da o'ynab ketgandi. SHu bois unga jamoa begona emas. Futbolchi va klub o'rtasida o'zaro kelishuvga erishildi va bu yil Otabek “Andijon”da o'ynaydi. 

Ertaga yana birinchi liga ishtirokchisi “Oq-tepa” bilan nazorat uchrashuvini o'tkazishga kelishib olindi. Unda murabbiylar ayrim futbolchilarni yana bir bor sinovdan o'tkazib oladi. O'yin “Oq-tepa” stadionida soat 11:30da boshlanishi ko'zda tutilgan. 21 fevral kuni esa yig'inimiz yakuniga etadi. SHu kuni “Andijon” so'nggi nazorat o'yinini “Neftchi”ga qarshi o'tkazadi. 

Darvoqe selekciya ishlari hamon davom etmoqda. Bosh murabbiy va rahbariyat ayni damda bir nechta futbolchilar bilan muzokara o'tkazayotganini aytish mumkin. 

"Andijon" FK matbuot xizmati.