Aleksandr Volkov: "CHarchoq alomatlari sezildi"

"O'yinni qayta ko'rishimiz kerak. Bugun charchoq alomatlari o'z so'zini aytdi. Tezkor gol ham rejamizga o'zgartirish kiritib yubordi. To'g'ri imkoniyatlar bo'ldi, ayniqsa standart vaziyatlardan. Koto jarohatidan endi tuzalgan va tiklanish jarayonida", - deydi Aleksandr Volkov.

- So'nggi o'yinlarda Simonenko va Karimov ko'plab xatolarga yo'l qo'yishyapti?
- Bugun ularda charchoq bor edi. Umumiy himoyachilarga baho beradigan bo'lsam, bizda ular sekin fikrlaydilar.

- "Bunyodkor" futbolchilari tomonidan hakam tomon ko'plab etirozlar bo'ldi...
- Futbolda kishi qizishib ketadi va xissiyotga beriladi. Uch sutkadan beri deyarli yo'lda bo'lganligimiz ham bunga sabab bo'ldi. Bunday pallada futbolchilarimizni to'g'ri tushunishimiz kerak.

- Bugun ham jamoangiz "Al Hilol" bilan bo'lib o'tgan uchrashuvdagi kabi yaratilgan imkoniyatlardan foydalana olmadi. Bunga sabab nima?
- Asabni joyiga qo'ya olish kerak. Futbolchilar o'z tanlagan poziciyalarida to'g'ri zarba bera olishlari lozim. "Al Jaish" bilan o'yinda Simonenko shunday harakat qilgan edi. Bugun esa "Nasaf" futbolchilari.

- Yaponni asosiy tarkibda ko'rmayapmiz?
- Legioner bu pul degani (zalda kulgu).

Nodirxo'ja Yuldashev