Aleksandr Krestinin: "Individual xatolar tufayli mag'lubiyatga uchrayapmiz. Hakam to'g'ri qaror qabul qildi"

"Nasaf"ni chempionlik bilan tabriklayman. Bir yarim taym davomida bir kishi kam bo'lib o'ynash oson emas, shunga qaramay yigitlar yaxshi harakatlanishdi. CHetlatishga qadar vaziyatlar yaratib turgandik", - dedi Aleksandr Krestinin.

- "Lokomotiv" ketma-ket beshinchi uchrashuvda mag'lubiyatga uchradi. Bunga sabab nima?

- Fikringiz to'g'ri. Har bir uchrashuvda so'z bilan tasvirlab bo'lmas individual xatolarga yo'l qo'ymoqdamiz. Individual xatolar tufayli mag'lubiyatga uchrayapmiz, afsuski.

- Ivan Rogach kutilmaganda qizil kartochka oldi. U hakamga nima degan edi?

- Bir narsani tushunishimiz kerak. Hakamlar hech kim bilan gaplashishmaydi va hakamlarga gapirishga hech kimning haqqi yo'q. Bu kitobda yozib qo'yilgan qoida. Hakam barchasini to'g'ri qildi. Himoyachi bunday qilish mumkin emasligini bilmas edimi? Albatta, bundan xabardor edi. Biz intizom uchun jarimalar qo'llaymiz. Men hech qachon bunday jarimalarga ishim tushadi deb o'ylamagandi, ochig'i. Futbolchi o'z hissiyotlarini jilovlay olishi kerak. O'z tuyg'ularini tiya olmaydigan futbolchini, professional deb atash noto'g'ri. U 20 yoshlik futbolchi emas, hattoki 20 yoshli futbolchi ham bunday qilishga haqqi yo'q.

- Valeriy Kichinning o'yini menga yoqmoqda. Kichin haqidagi fikrlaringiz bilan bo'lishsangiz?

- Kichin bilan uzoq vaqtdan beri tanishmiz. U juda mahoratli himoyachi ekanligi sir emas. Bugun ham o'z darajasida o'ynab berdi.

- "Bunyodkor" bilan bo'lgan farq 5 ochkoni tashkil etmoqda. Jon saqlab qolish uchun kurash haqida to'xtalib o'tsangiz?

- "Bunyodkor"ning o'z maqsadlari bor. Bizning maqsadimiz esa, qolgan uch bahsda to'qqiz ochkoni qo'lga kiritish. Etiborliroq bo'lishimiz kerak, bugungiday futbolga aloqador bo'lmagan jihatlar o'yin natijasiga tasir o'tkazmasligi kerak.