Akmal Tursunboev: “Neftchi” bilan o'yinda muxlislarimizni quvontirishimiz kerak”

Har ikki jamoaga ham g'alaba suv va havodek zarur. Qiziqarli kechishi kutilayotgan bahs oldidan “Andijon” posboni Akmal Tursunboevning fikrlari bilan qiziqdik.

- Albatta, “Neftchi” bilan ham bizni qiyin o'yin kutib turibdi. Umuman olganda elitada oson uchrashuvlarning o'zi yo'q. Afsuski o'tgan turda Qo'qonda mag'lub bo'ldik. Juda alamli mag'lubiyat bo'ldi. Endi farg'onaliklarga qarshi bahsda yutmasak bo'lmaydi. Muxlislar g'alaba qozonishimizni sog'inib qoldi. Ularni xursand qilish uchun barchamiz astoydil tayyorgarlik ko'rdik.

- “Qo'qon-1912” bilan o'tgan uchrashuvdan so'ng Andijonda navbatdagi uchrashuvga tayyorgarlik olib borildi. Kuniga ikki mahaldan mashg'ulot o'tkazdik. Yigitlarning ruhiy tayyorgarligi yaxshi deb o'ylayman. Muvaffaqiyatsiz o'yinni tezroq unutib, navbatdagi uchrashuvga hozirlik ko'rdik. Nasib qilsa ushbu turda birinchi g'alabamizni nishonlaymiz.

- Ha, o'tgan turda oliy ligada debyut uchrashuvimni o'tkazdim. Afsuski elitadagi birinchi o'yinimda darvozamdan to'p o'tkazib yubordim. Bunday bo'lishini sira istamagandim. Biroq vaziyat shuni taqozo etdi.

- “Neftchi” bilan uchrashuvda darvozani kim qo'riqlashini murabbiylar aniqlaydi. SHaxsan men o'yinga tayyorman. Agarda yana imkoniyat berilsa, ishonchni oqlashga harakat qilaman, - deydi Tursunboev.

"Andijon" matbuot xizmati