Akbar Usmonov: "Guruhdoshlarimizning birortasini kuchsiz demagan bo'lardim"

Unda O'zbekiston futzal terma jamoasi ham ishtirok etadi. Turnir oldidan terma jamoamiz futzalchisi Akbar Usmonov o'z fikrlari bilan o'rtoqlashdi. 

"Musobaqaga yaxshi tayyorgarlik ko'rdik, xorijdan jismoniy tayyorgarlik bo'yicha mutaxassis ham jalb qilindi. Umuman olganda, Kuvaytdagi Osiyo chempionatiga juda yaxshi holatda tashrif buyurdik. 

Guruhimizdagi birorta jamoani kuchli yoki kuchsiz demagan bo'lardim, chunki musobaqada har bir ishtirokchi ochkolar uchun kurashadi. Aytaylik, bizning guruhdoshlarimiz ham faqat g'alabalarni ko'zlagan holda chiqishadi. Demak, har bir o'yinning qiymati oltinga teng.

O'zbekiston futzal terma jamoasi o'z oldiga faqat va faqat chempionlikni qo'ygan. Bu maqsad sari bosqichma-bosqich qadam tashlashimiz lozim. 

Musobaqada qancha ko'p gol ursam, shuncha yaxshi (kuladi). CHunki urgan gollarim jamoamizning g'alabalariga foyda keltirsa bo'ldi".