Abdurauf Bo'riev: "Hisob 6:0 bo'lsin yoki 1:0 – g'alaba uchun 3 ochko beriladi. Hozirda xorij klublari bilan muzokaralar ketmoqda"
23 iyu 12:00
Yangiliklar
Abdurauf Bo'riev: "Hisob 6:0 bo'lsin yoki 1:0 – g'alaba uchun 3 ochko beriladi. Hozirda xorij klublari bilan muzokaralar ketmoqda"
- O'yin haqida fikringiz...
- Xudoga shukur, g'alabaga erishdik. "Qo'qon-1912" bizga qarshi yaxshi tayyorgarlik ko'rgan ekan. Murabbiylarning ko'rsatmalarini bajardik.
- "Paxtakor" ijobiy natijalar qayd etayotganiga qaramay, oxirgi o'yinlarda ancha qiyinchiliklarga duch kelmoqda, hatto turnir jadvalida pastki o'rinda borayotgan jamoalarni ham qiyinchilik bilan engmoqda. Bunga sabab nima?
- Har qanday jamoa bilan o'ynash oson emas. Har bir raqib alohida tayyorgarlik ko'radi. O'yinda asosiy narsa – natija. 6:0 mi, 1:0 mi, qanday hisob qayd etilishidan qati nazar, g'alaba uchun uch ochko beriladi.
- Keyingi turda "Paxtakor" "Nasaf" mehmoni bo'ladi. Qarshiliklar kubok bellashuvi uchun revansh olishga urinishi tabiiy. Jamoangiz bunga qanday tayyorgarlik ko'rmoqda?
- Keyingi bellashuvdagi raqib – "Nasaf" bilan o'zaro hisob-kitob mavjud. Qarshiliklar turnir jadvalida 1-o'rinda bormoqda, biz ochkolar farqini qisqartirmoqchimiz. Bir kun dam olib, "Nasaf"ga qarshi tayyorgarlikni boshlaymiz. Mehmondagi o'yin og'irroq bo'ladi, lekin g'alaba uchun boramiz.
- Eshitishimizga qaraganda, faoliyatingizni xorijda davom ettirishingiz mumkin ekan...
- Hozirda xorij klublari bilan muzokaralar ketmoqda, nima bo'lishini vaqt ko'rsatadi.
O’xshash yangiliklar
championat.asia
Аргентина ЖЧ-2026дан четлатилиши мумкин
Ла Лига. Рафиньянинг дубли "Барселона"га "Осасуна" устидан ғалабани тақдим этди
Эрлинг Ҳоланд Криштиану Роналдуни қувиб ўтиб, АПЛ рекордини янгилади
Туркия Суперлигаси. Шомуродовнинг гол ва ассисти "Башакшехир"га меҳмонда "Самсунспор" устидан ғалабани тақдим этди
Fikrlar