11 yil. Erkin Baydullaev qaytdi...

Yozgi bozorning asosiy transferi sifatida kimdir Yaxshiboevni, kimlar Denisov yoki G'ofurovni ko'rsatyapti. Ammo so'nggi yillardagi statistikaga etibor qilsak, "transfer oynasi"dagi asosiy o'tish, shubhasiz, Erkin Baydullaev bo'ldi.

Samarqand futbol maktabi tarbiyalanuvchisi turli yillarda "Dinamo", "Guliston", "So'g'diyona", "Bunyodkor", "Lokomotiv", "Nasaf", "Qizilqum" va AGMK klublari sharafini himoya qilgan.

U "Paxtakor" libosini ham kiyishi mumkin edi. Lekin 2010 yilning oxirida tomonlar o'zaro kelisha olmagan bo'lsa, 2015 yilning avvalida Baydullaev "sherlar" yig'inida ishtirok etsa ham, "Nasaf"ga qaytishga qaror qiladi. 

Erkin faoliyatining boshida chap qanot himoyasida ham o'ynagan. U 2011 yilda "Nasaf"ga o'tganidan keyin maydon markazida muqim o'ynaydigan bo'ldi.

1984 yilda tug'ilgan futbolchi bir necha bor legionerga aylanishi mumkin edi. 2012 yilda Eronning "Istiqlol" klubi "Nasaf"ga 200 ming dollarlik taklif yuborgan. SHu davrda Saudiya Arabistonining "Al-Ittifoq" jamoasi ham Baydullaevni o'z safida ko'rishni istagan. Ammo Usmon Toshev muzokaralardan keyin yarim himoyachini qo'yib yubormagan edi.

Maydon markazidagi kuchli raqobat tufayli Baydullaev terma jamoada rasmiy uchrashuv o'tkaza olmadi. U faqat 1 marta (2013 yilda Ozarboyjonga qarshi) o'rtoqlik o'yinida maydonga tushgan. 

2020 yilning yozidan beri "Qizilqum" safida to'p tepib kelayotgan yarim himoyachi "Dinamo"ga o'tish uchun Navoiy klubidan shartnomasini o'zi sotib oldi. Elguja Grigalashvilining Samarqandga kelishiga ham Edikning hissasi kattaligi aytilmoqda (ular bunga qadar "Qizilqum" va AGMKda birga to'p tepishgan).

37 yoshli o'yinchi har doim faoliyatini o'z uyida yakunlashni orzu qilar edi. Bu voqea 2023 yilning oxirida samarqandlik muxlislar qarshisida ro'y bersa kerak. Bugun esa Boydullaevni 11 yillik tanaffusdan keyin yana "Dinamo" libosida ko'rishimiz mumkin. Uchrashuv 20:00 da "Paxtakor" stadionida start oladi...

Paxtakor Dostonbek Hamdamov - 29', Dragan CHeran - 45', Pshemislav Banashak - 80'

Superliga. 14-tur 01/08/2022, 20:00 2 : 3 Tugadi

Dinamo Marat Bikmayev - 19', Marat Bikmayev - 71'

45'

90'

22'  Pshemislav Banashak

29'  Dostonbek Hamdamov

29'  Ikrom Aliboyev

43'  Ikrom Aliboyev

45'  Dragan CHeran

45'  Pshemislav Banashak

70'  Azizbek Turg’unboyev (Diyor Xolmatov)

70'  Sardor Sobirxo’jayev (Abbosbek Fayzullayev)

80'  Pshemislav Banashak

90'  Dostonbek Hamdamov (Muhammadali O'rinboyev)

19'  Marat Bikmayev

19'  SHohrux Mahmudhozhiev

40'  Elguzha Grigalashvili

55'  Erkin Baydullaev

70'  SHohrux Mahmudhozhiev (SHohmalik Komilov)

71'  Marat Bikmayev

90'  Evgeniy CHumak (Shokir Yo'ldoshev)

90'  Marat Bikmayev (Fahriddin Alimov)

Match-senterda ochish