Elchedagi "Manuel Martines Valero" stadionida kechgan bahs mehmonlarning 3:2 hisobidagi g'alabasi bilan tugadi. Uchrashuvni bosh hakam Xesus Xil Mansano boshqarib bordi.
25-daqiqada "Elche" darvozaboni Matias Dituro o'z darvozasiga gol urib qo'ydi. Oradan sakkiz daqiqa o'tib, hujumchi Kilian Mbappe "Real"ning ustunligini mustahkamladi. 71-daqiqada "Elche" hujumchisi Abel Osorio hisobni qisqartirdi. 83-daqiqada esa mezbonlar forvardi Fer Nino muvozanatni tikladi. 90+1-daqiqada hujumchi Karlos Espi Kilian Mbappening uzatmasidan so'ng "qaymoqranglilar"ga g'alaba keltirgan golni kiritdi.
La Liga, 6-tur
“Elche” - “Real Madrid” 2:3
Gollar: Osorio 71, Nino 83 - Dituro 25 (atogol), Mbappe 33, Espi 90+1.
La Ligada oltita o'yin o'tkazgan "Real" 15 ochko jamg'arib, ikkinchi o'rinni egallab turibdi. "Elche" esa 2 ochko bilan 20-qatorda bormoqda. Turnir jadvalini beshta o'yinda 15 ochko to'plagan "Barselona" boshqarib bormoqda.
