"Ўйлашимча, 25-сонияда ўтказиб юборилган гол, минг афсуски, ўйин боришига таъсир кўрсатди. Ўтказиб юборилган тўпдан сўнг реакциямиз анча яхши бўлди. Рақиб иккинчи голни уришидан олдин бизда ҳисобни тенглаштириш учун уч ёки тўртта имконият бўлди, аммо, афсуски, иккинчи голни ўтказиб юбордик ва вазият янада мураккаблашди.
Бундан ҳафсалам пир бўлди, чунки бундай ўйинларда даража шу қадар яқинки, гол ўтказиб юборганингдан сўнг қийинроқ бўлиб қолади. Аммо, фикримча, биринчи ўтказиб юборилган голдан сўнг биз анча яхши ҳаракат қилдик ва вазиятлар яратдик, лекин яна бир бор айтаман, 0:2 ҳисоби вазиятни янада оғирлаштирди.
Келаси якшанбадан Премьер-лигадаги юришимизни бошлаймиз ва ўшанда бор эътиборни шунга қаратишимиз керак бўлади. Олдинда бажариладиган ишлар жуда кўп. Мавсум эндигина бошланди, шу сабабли яхшилашимиз керак бўлган нарсалар жуда кўп, аммо ҳатто ғалаба қозонган ўйинларимизда ҳам яхшироқ бажаришимиз лозим бўлган жиҳатлар бор", — дейди Маресканинг сўзларини келтирган "BBC".
