Хабар қилинишича, ўйиндан сўнг Эриксен терма жамоанинг чатида қуйидаги хабарни қолдирган: "Мен сизлар билан фахрланаман!"
29 ёшли Эриксен Евро-2020'нинг 1-туридан ўрин олган Дания — Финляндия учрашувида майдонда юрак хуружига учради. Шифокорлар футболчини ҳаётга қайтаришга муваффақ бўлишди, кейинчалик у Копенгаген клиникаларидан бирида реабилитация қилинди, у ерда Кристианга дефибрилатор ўрнатилди.
Эслатиб ўтамиз, Европа чемпионатининг ярим финалида данияликлар Англия билан ўйнайди. Ушбу учрашув 7 июль куни Лондонда бўлиб ўтади.
