"Реал" ҳужумчиси Килиан Мбаппе Испания Суперкубоги финалида иштирок этиш имкониятига эга. Аввалроқ футболчининг чап тизза бойлами чўзилгани маълум бўлган эди. L’Equipe хабарига кўра, Мбаппе камида уч ҳафта майдондан ташқарида қолади.
Инсайдер Аранчи Родригеснинг айтишича, Килиан 4 январда Ла Лигада "Бетис"га қарши ўйнамаслиги аниқ. Шунингдек, унинг 8 январда "Атлетико"га қарши Суперкубок ярим финалида ҳам иштирок этиши эҳтимолдан йироқ.
Бироқ, агар "Реал" финалга чиқса ва рақиб "Барселона" ёки "Атлетик" бўлса, француз футболчининг 11 январдаги ўйинда майдонга тушиши мумкин. Журналист Алберто Перейро бундай эҳтимоллик мавжудлигини таъкидламоқда.
