"Championat.asia" sayti talqiniga ko'ra, 8-turning eng yaxshi darvozaboni - Vladimir Nazarov ("Paxtakor").
"Paxtakor" bu tur Jizzaxda "Dinamo" mehmoni bo'ldi va 1:1 hisobida durang o'ynadi. Uchrashuv davomida Samarqand klubi katta tashabbusga ega bo'ldi va ko'plab hujumlar uyushtirdi, Nazarov 6 marta jamoasini goldan qutqardi. Shu tariqa Vladimir Nazarov turning eng yaxshi darvozaboni bo'ldi.
"Championat.asia" sayti talqiniga ko'ra, 8-turning eng yaxshi murabbiyi - Mirjalol Qosimov (OKMK).
Mirjalol Qosimov boshichiligidagi OKMK bu tur o'z maydonida "So'g'diyona"ni 5:3 hisobida taslim qildi. Bahs davomida mehmonlar hisobda oldinga chiqib olishdi, ammo Qosimovning o'zgartirishlaridan keyin olmaliqliklar kambek qilishdi va irodali g'alabani nishonlashdi. Shu tariqa, Qosimov 8-turning eng yaxshi murabbiyi deb topildi.
"Championat.asia" sayti talqiniga ko'ra, 8-turning eng chiroyli goli muallifi - Ahmadillo Muqumjonov ("Olimpik").
"Olimpik" mazkur tur Qarshida "Qizilqum" mehmoni bo'ldi. Uchrashuvning 53-daqiqasida mehmonlar himoyachisi Ahmadillo Muqumjonov jarima to'pini ajoyib tarzda raqib darvozasiga joylab qo'ydi. Aynan mana shu gol 8-turning eng chiroyli goli deb topildi.
"Championat.asia" sayti talqiniga ko'ra, 8-turning eng yaxshi futbolchisi - Ali Abdurahmonov (OKMK).
OKMKning "So'g'diyona" ustidan qozongan g'alabasiga zaxiradan maydonga tushgan Ali Abdurahmonov katta hissa qo'shdi. 65-daqiqada o'yinga qo'shilgan Abudrahmonov ikkita gol urdi va jamoasini g'alaba sari etakladi. Shunday qilib, Ali Abdurahmonov Superligada 8-turning eng yaxshi futbolchisi deb topildi.
