Зинедин Зидан: Биз ҳали ҳеч нарса ютмадик, шунчаки финалга чиқдик, холос

Қийинчиликлар ҳақида

Бундай футболда ҳаммаси яхши тугагаса, унинг гўзаллиги ана шундадир. Ютқазаётгандик, сўнг 2:1 ҳисобида олдинга чиқиб олдик. Кейин рақиб гол урди, ҳаммаси ўзгариб кетди. Улар босим уюштира бошлади, бизда эса муаммолар бошланди.

Плей-оффдаги рақиблари ҳақида

Фантастик жамоага қарши ўйнадик. "Ювентус" ҳам шундай жамоа эди, ПСЖ ҳам. Топ-жамоаларни чиқариб юборганимиздан хурсандмиз, аммо машаққатларсиз бунинг иложи бўлмасди.

Бензема ва Навас ҳақида

Карим учун хурсандман, у бунга муносиб. Бензема натижа келтирди. Кейлор иккинчи бўлимда шундай сэйвлар қилдики... Унга иш кўп бўлди. Биз жуда мамнунмиз.

Азоблар ҳақида

Бу ақлдан оздирувчи ўйин бўлди, зўр ўтди. Футболда азоб чекишга тўғри келади, айниқса, Чемпионлар Лигасида. Финалга азобларсиз чиқиб бўлмасди. Бу юракка жуда фойдали.

Мақсад ҳақида

Ҳозирча ҳеч нарса ютганимиз йўқ. Биз финалга чиқдик, холос. Қаторасига уч марта финалга чиқиш — ноодатий ҳол. Бироқ биз уни ютишга ҳаракат қилишимиз лозим. Кубокни ҳимоя қилиш учун қўлимиздан келганини қиламиз.