"Ювентус" Дибала билан шартномани узайтириш борасида келиша олмаяпти

Манбага кўра, томонлар бир неча бор музокара олиб боришган, бироқ бу ижобий натижани бермаган.

Маълум бўлишича, футболчи ўн миллион евро маош талаб қилмоқда, бу эса "кекса сеньорлар" раҳбариятига тўғри келмайди. Клуб футболчи билан келишувга эришишига умид қилмоқда.

Эслатиб ўтамиз, Дибала 2015 йилда "Палермо"дан 40 миллион евро эвазига кўчиб ўтиб, "Ювентус" футболчисига айланганди. Унинг клуб билан шартномаси 2022 йилнинг ўрталарига қадар амал қилади. Ҳужумчи жорий мавсум А Серияда иккита ўйин ўтказиб, битта гол урди ҳамда битта голли узатмани амалга оширди.