"Ёш умидли ҳакамлар" дастури бўйича Ўзбекистон футбол ҳакамлари маркази янги лойиҳа бошлади
10 nov 2024 20:23
News

"Ёш умидли ҳакамлар" дастури бўйича Ўзбекистон футбол ҳакамлари маркази янги лойиҳа бошлади

U-13 ва U-15 жамоалари иштирокидаги “Ўзбекистон футбол ассоциацияси биринчилиги”нинг Республика босқичи давомида ёш ҳакамлар учун 6 кунлик семинар ўтказилади.

Жараён Марказ томонидан назорат қилиб борилади ва ўсиб келаётган реферилар учун мактаб вазифасини ўтайди. Қолаверса, дастур доирасидаги қатнашчилар алоҳида шартлар бўйича саралаб олинади.

Лойиҳадан кўзланган мақсад - умидли ва келажаги порлоқ ҳакамларни кашф этиш, уларни халқаро мусобақаларга муносиб тайёрлаш ҳамда ҳакамлик борасида Ўзбекистон номини дунёга танитиш каби устувор вазифалардан иборат. Марказ бундай лойиҳалар келгусида футболимиз ривожи учун манфаатли бўлишига ишонади ва ёш авлодни қўллаб-қувватлайди.