Виталий Левченко: "Сафарда муҳим ғалабани қўлга киритдик"
30 sep 23:27
News

Виталий Левченко: "Сафарда муҳим ғалабани қўлга киритдик"

Суперлига 23-туридан ўрин олган "Сўғдиёна" - "Нефтчи" (0:1) учрашувидан сўнг "Нефтчи" бош мураббийи Виталий Левченко матбуот анжуманида иштирок этди.

- Ўйин ҳақида фикрингиз?

- Жуда қийин учрашувни ўтказдик. Иккала жамоа ҳам яхши тайёргарлик кўрибди, кураш кўп бўлди. Мен ўйиндан олдин футболчиларга қайси жамоа курашларда ғолиб чиқса шу ютади деб айтгандим. Менимча, устунлик биз томонда бўлди ва шу боис сафарда муҳим ғалабани қўлга киритдик. Бугун ғалабага бўлган иштиёқ ҳам бизда юқори эди. Қўлга киритилган уч очко билан бутун жамоамизни табриклайман. Олдинга ҳаракат қилишда давом этамиз.

- Майдон ҳолати ҳақида фикрингиз?

- Майдон жуда оғир экан. Кеча ўйинолди машғулотда футболчимиз жароҳат олди. Четдан қараганда яхши кўринади, ранги ҳам яшил, лекин тўп тепса оғир. Бундай майдонда ўйинчиларнинг жароҳат олиш имконияти ортади.

Link :

Source : championat.asia

Receive latest football news directly on your phone. Subscribe for our Telegram channel!

Rating: