"Вильярреал" хавбеки Капу: "Кўплаб футболчиларни билмайман. Футбол кўрмайман, менда ижтимоий тармоқлар ҳам йўқ"

"Бу менга кўпроқ балансни сақлаб қолиш ва кўпроқ эркинлик билан ўйнашга ёрдам беради. Бу мени ҳеч қачон қизиқтирмаган, бутун фаолиятим давомида шундай бўлган.

Ўйин ёки машғулотдан кейин барчасини унутиб, ўзимни бўш қўйганимда ўзгача роҳатланаман. Ҳеч қайси ўйинларни кўрмайман. Баъзида футбол ўйнашни бошлаган саккиз ёшли ўғлим мени футбол кўришга мажбурлаган пайт... аммо бу мен учун зерикарли (кулади).

Мен билмаган кўплаб футболчилар бор. Жамоадаги шерикларим кўп кулишади. Улар "Бу ўйинчини билмайман деганинг нимани англатади" дейишади", - дейди Капу.