"Валенсия" билан дурангдан сўнг "Барселона" устози нималар деди?

"Бурчак зарбасидан сўнг тезкор гол ўтказиб юбордик. Ҳисобда олдинда бораётган рақиб илҳомланиб кетди ва қарши ҳужумларда жуда хавфли ўйин кўрсатди. "Валенсия" бизни бироз шошириб қўйди, аммо ўйин давомида ғалаба қозониш учун бизда етарлича вазиятлар бўлди.

Улар бизга бўш ҳудуд қолдиришмади. Рақиб Гамейро, Гедеш ва Черишев каби тезкор форвардлар билан қарши ҳужумда бизни жазолашлари мумкин эди. Бахтимизга Месси ажойиб гол урди. Натижа - дуранг.

Ўтказиб юборилган голдан ғазабланганим йўқ. Тўрт кун олдин иккинчи дақиқада гол ургандик, бугун ўтказиб юбордик.

"Тоттенхэм"га қарши баҳсдагидек ҳаракат қилдик. Ўз ўйинимизни кўрсатишга уриндик, аммо қийинчиликларга дуч келдик. Рақиб чуқур ҳимояланча жуда қийин" - дейди Вальверде.