"У исталган клубни танлаши мумкин эди, лекин биз билан қолди". Слот Салоҳнинг садоқатидан хурсанд
11 apr 17:38
News

"У исталган клубни танлаши мумкин эди, лекин биз билан қолди". Слот Салоҳнинг садоқатидан хурсанд

"Ливерпуль" бош мураббийи Арне Слот бошқа жамоаларнинг катта қизиқишига қарамай, Муҳаммад Салоҳнинг клубда қолиш қарори ҳақида фикр билдирди.

"Умид қиламанки, якшанба куни бўлиб ўтадиган ўйинда Салоҳ жамоадаги асосий ролини яна бир бор исботлайди. У ажойиб футболчи. Эркин агентлигида дунёнинг исталган топ-клубига ўтиши мумкин эди, аммо Муҳаммад биз билан қолишни танлади ва бу ҳурматга лойиқ", – деди Слот.

"Ливерпуль" мисрлик ҳужумчи билан шартнома узайтирилганини 11 апрель куни эълон қилди. Янги шартнома 2027 йилнинг ёзига қадар мўлжалланган.

Салоҳ "қизиллар" сафида 2017 йилдан буён ўйнаб келмоқда. У жорий мавсум клуб таркибида 45 ўйинда майдонга тушиб, 32 та гол урди ва 22 та голли пас узатди.

Link :

Source : Sky Sports

Receive latest football news directly on your phone. Subscribe for our Telegram channel!

Rating: +5