Суперлига-2020. Энг кўп қуруқ ўйин ўтказган дарвозабонлар
11 dec 2020 12:05
News

Суперлига-2020. Энг кўп қуруқ ўйин ўтказган дарвозабонлар

2020 йилги Суперлига якунларига бағишланган статистик маълумотларни беришда давом этамиз.

Якунланган мавсум Ўзбекистон чемпионатида бир йўла икки нафар посбон 12тадан ўйинда ўз дарвозаси даҳлсизилиги сақлаб қолди.

"Насаф" посбони Абдувоҳид Неъматов 17та ўйиннинг 12тасида гол ўтказгани йўқ. "Машъал" дарвозабони Раҳимжон Давронов эса 24та ўйиндан ярмида ўз дарвозасидан тўп олиб чиққани йўқ.

"Навбаҳор" дарвозабони Ўткир Юсупов 24та учрашувда майдонга тушди ва 11 марта "қуруқ ўйин" ўтказди.

"Пахтакор" аъзоси Элдорбек Суюнов 21та ўйиннинг 10тасида гол ўтказмади.

"Металлург" посбони Александр Лобанов ҳисобида 9та қуруқ ўйин бор (25та учрашувда ўйнаган).