"Сўғдиёна" таркибини икки нафар футболчи билан кучайтирди
14 jan 00:55
News

"Сўғдиёна" таркибини икки нафар футболчи билан кучайтирди

Янги мавсум арафасида "Сўғдиёна" футбол клуби ярим ҳимоя чизиғини кучайтириш мақсадида икки нафар футболчи билан шартнома имзолади.

Клуб тажрибали ярим ҳимоячи Оллоберган Каримов билан келишувга эришди. Томонлар ўртасидаги шартнома 2026-йил якунига қадар мўлжалланган. Каримов профессионал фаолияти давомида "Сўғдиёна" ҳамда "Бунёдкор" жамоалари сафида тўп сурган, шунингдек, Ўзбекистоннинг турли ёш тоифаларидаги терма жамоаларида ҳам иштирок этган.

Шунингдек, "Сўғдиёна" ёш футболчи Тоҳир Тўхтасиновни ҳам ўз сафига қўшиб олди. У билан ҳам 2026-йил охиригача амал қиладиган шартнома имзоланган. Тўхтасинов аввалроқ "Бунёдкор" жамоаси шарафини ҳимоя қилган ва Ўзбекистоннинг U-17, U-18 ҳамда U-20 терма жамоаларида ўйнаган.

Link :

Source : "Сўғдиёна" матбуот хизмати

Receive latest football news directly on your phone. Subscribe for our Telegram channel!

Rating: +2