Шуҳрат Раҳмонқулов: "Арабларнинг хурмача қилиғига берилмаслик керак — биз улардан кучлимиз"

БАА терма жамоасига қарши кечадиган сафардаги учрашувдаги мағлубиятдан ташқари ҳар қандай натижа бизга Жаҳон чемпионати эшикларини очади. Мазкур беллашув олдидан тажрибали футбол мутахассиси Шуҳрат Раҳмонқуловнинг фикрлари билан қизиқдик. 

"Араблар ғалаба учун ҳамма нарса қилишга ҳаракат қилишади. Биз ўйнаган 1999 йилда ҳам арабларнинг қилиғини кўрганмиз. Лекин ҳеч нарсага эътибор бермасдан ўйинга тайёрланганмиз. Соат кечаси 3-4гача уйқу беришмаган. Шунинг учун уларнинг хурмача фитналарига қарамай диққат йўқолмаслиги керак. Улар ҳамма нарса қилади. 

Биз терма жамоамизга ишонамиз. Жаҳон чемпионатига ярим қадам қолди. Худо хоҳласа Қатар билан ўйинга зўр байрам бўлади деган умиддаман. Энг муҳими ҳозир саросима керак эмас. Бу майдонга чиққач ўтиб кетиши зарур. Терма жамоамиз араблардан кучли. Барчага омад тилайман",- дейди Шуҳрат Раҳмонқулов.

Маълумот учун, ўйин эртага 21:00да старт олади.