Шавкат Муллажонов: "Қийин вазиятга тушиб ундан чиқиб кета олдик"

Хитой билан бўлиб ўтган ўйиндан кейин Муллажоновни танқид қилиб ёзган эдик. Бугун эса у росмана ўз ўйинини кўрсата олди. Биз ундан кейинги ўйинларда ҳам шундай ўйин кутамиз.

- Бугун ўтган икки ўйиндан тубдан фарқ қилган баҳс бўлди. Сиз бугун курашларга тап тортмай ўйнадингиз...
- Саудия Арабистонига қарши ўйинда 3 очко жуда муҳим эди... Боримизни бердик, ортга йўл ҳам йўқ эди. Хитой билан баҳсда ҳам яхши ўйнаган эдик, иккинчи бўлимда ҳудди бошқа футболчилар тушгандек бўлди. Бугун у хатоларни такрорламадик ва натижа ҳам шунга яраша бўлди.

- Саудия Арабистони КХДРни 4:1 ҳисобида мағлуб этганди. Бугун рақибнинг ўйини чиқмади дея оласизми? Ҳудди биз билан Хитойга қарши кечган ўйин каби?
- Йўқ, бугун рақиб ҳам яхши ўйнади. Икки жамоа ҳам ўз ўйинини кўрсатди, фақат биз гол урдик. Арабларга эса гол уриш учун имкон бермадик. Хитой билан иккинчи бўлимда биз умуман ўйнамагандик.

- Пенальти ҳақида нима дея оласиз? Ҳакамлик ҳақида нима дея оласиз?
- Тўғриси мен ўша вазиятда тўпга қарамаётгандим, вазиятни кўра олмадим. Тўғри ҳакамлар кўп хато қилишди, мени ўзим билан бир неча вазиятда шундай бўлди. Улар

- Ҳисоб тенглашгач биз яна "уйғондик". 70-дақиқада Яна иккита гол ура олдик. Кеча, мураббийни ҳар бир ўйинчининг алоҳида гаплашиб чиққани қанчалик фойда берди.
- Бугун биргина мураббийнинг эмас халқимиз биздан ғалаба қозонишимизни кутиб турганди. Хитой билан ўйинда ишончни оқлай олмадик, ўзимизни қийин вазиятга туширдик. Лекин шундай қийин вазиятдан чиқиб кета олдик. Ҳамма-ҳамма буни англаб етганди.

- Кейинги ўйинларда ҳам шундай ҳаракат қила оламизми?
- Худо хоҳласа шу темпда давом этамиз.


Нодирхўжа Юлдашев
Мельбурн