Шацких Қозоғистоннинг "Турон" жамоасида ўзини кўрсатаётган Беҳруз Асқаров ҳақида гапирди

Мутахассис суҳбат мобайнида Туркистоннинг "Турон" жамоаси 22 ёшли ярим ҳимоячиси, аввал қўл остида тўп тепган Бехруз Асқаров ҳақидаги фикрлари билан ўртоқлашди.

Асқаров жорий мавсум Қозоғистон жамоаси таркибида ажойиб ўйин кўрсатмоқда. "Қизилжар"га қарши баҳсда ярим ҳимоячи захирадан майдонга тушиб, гол урди ва голли узатмани амалга оширди. Бу орқали у "Турон"нинг меҳмондаги 3:2 ҳисобидаги ғалабасида муносиб ҳисса қўшди. Қозоғистон Кубоги доирасидаги "Атирау"га қарши ўйинда (2:0) яна голли пас узатди. Асқаровнинг муваффақиятли ўйини қизғин муҳокамаларга сабаб бўлди ва уни ҳатто ўзбекистонлик иқтидорли ҳимоячи Абдуқодир Хусановга қиёслаганлар ҳам топилди.

Максим Шацких таққослашларга муносабат билдирди:

"Аввало, Ҳусанов ва Асқаров бутунлай фарқли ўйинчилар эканлигини айтиб ўтиш жоиз. Позициялари, жисмоний ҳолати, ўйин сифати ва бошқа таркибий қисмлари жиҳатидан бир-бирига мос келмайди. Айни пайтда у ўзини яхши тарафдан намоён этмоқда. Ажойиб! Бу супер!"

У Асқаровни шахсан танишини таъкидлади:

"Асқаровани биламан. Беҳа – жуда яхши йигит, одобли, маҳоратли футболчи. Нега у "Пахтакор"да етарлича ўйнамади? Чунки таркибда рақобат бор ва у узоқ вақт терма жамоада ўйнарди. Асқаров у ерда кўпроқ фаол эди. Шунинг учун биз клубда ундан камроқ фойдаланардик. Бироқ Асқаровни бир вақтнинг ўзида бир қанча жойларда синаб кўрганман. Дастлаб ўзининг таянч нуқтасида ўйнаган, шундан сўнг чап қанот ҳимоячиси ва марказий ҳимоячи сифатида ўйнатганман. Кейинроқ ундан ҳатто ўнг қанот ҳимоячиси ролида фойдаланганман".